Tá tu anseo: Baile / Cumann na bhFiann /

Cumann na bhFiann

Cad é Cumann na bhFiann?

Eagraíonn Cumann na bhFiann clubanna óige go seachtainiúil/coicísiúil ar fud na tíre, a thugann deis do dhaltaí a gcuid Gaeilge labhartha a chleachtadh agus a fhorbairt.

Is iad na buntáistí a bhaineann leis seo ná go mbíonn an teanga in úsáid i measc na ndaltaí agus dá réir sin tuigeann siad níos fearr an tábhacht atá leis an teanga dár bhféiniúlacht. Chun tairbhe iomlán a bhaint as cúrsa de chuid Choláiste na bhFiann, tá sé riachtanach gach deis a thapú chun Gaeilge a labhairt chomh minic agus is féidir.

Chomh mhaith leis an gclub óige, eagraíonn Cumann na bhFiann go leor imeachtaí bliantúla náisiúnta, ar nós ceolchoirmeacha, dioscó, deireadh seachtainí as baile, srl. Tá tuilleadh eolais ar na himeachtaí seo ar fáil sa Chumann.

Fáthanna Maithe freastal ar Chumann na bhFiann

Ardchaighdeán maoirseachta
Clubanna eagraithe i dtimpeallacht shábháilte
Réimse leathan d'imeachtaí
Foireann dhícheallach le taithí agus tiomanta dár gcuid daltaí
Córas Cinnireachta a spreagann daltaí freagrachtaí a ghlacadh
Deis a fháil Gaeilge a labhairt go minic
Os cionn 60 club timpeall na tíre
Deis do dhaltaí teagmháil a choinneáil le cairde nua ó chúrsaí Samhraidh de chuid Choláiste na bhFiann.

Cá bhfuil mo Chumann Áitiúil?

Gach eolas faoi amanta agus áiteanna do gach Cumann ar fáil anseo.

Tá breis is 50 ionad Cumann na bhFiann timpeall na tíre.

Ráth Fearnáin Óg	Ráth Fearnáin Sean	Caisleán Cnúcha
Baile na Manach Óg	Baile na Manach Sean	Cluain Tarbh Sean
Leamhcán	Glasnaíon	Droichead Átha
Brí Chualainn	An Uaimh Óg	An Uaimh Sean
Tulach Mhór	Dún Bóinne	Áth Luain
An Muileann gCearr	Ceanannas Mór	Droichead Nua
Longfort Óg	Longfort Sean	Teach Lorcáin Sean
Nás na Ríogh	Ceatharlach	Portlaoise
Cill Chainnigh	Guaire	An Cabhán
Achadh an Uair	Béal Átha na Slua	Sligeach Óg
Sligeach Sean	Ros Comáin	Muineachán
Béal Átha na mBuillí	Béal an Átha Mhóir	Cora Droma Rúisc
Mainistir Fhear Maí	Baile an Chollaigh	Port Láirge
Trá Lí	Cathair Saidhbhín	Cluain Meala
Cluain Tarbh Óg	Teach Lorcáin Óg	Beal Easa

Cumann na bhFiann

Tá íocaíocht bhliantúil de €30 don Chumann(Meán Fómhair- Márta) do duine a d'fhreastal ar Choláiste na bhFiann- €70 d'aon duine eile, gur chóir a bheith íoctha sa chéad trí seachtain. Ní bheidh an dalta faoi árachas go dtí go bhfuil an t-airgead seo íochta.
Ní cheadaítear aon Bhéarla a labhairt le linn am an Chumainn - má tharlaíonn go labhraíonn dalta Béarla níos mó ná trí huaire, beidh orthu an Cumann a fhágáil.
Tá ar an dalta a bheith i láthair ag an gCumann ó thús go deireadh, seachas má tá nóta ó thuismitheoir ag tabhairt cead.
Ní cheadaítear drochtheanga, drochbhéasa, ná maistíneacht ag an gCumann.
Ní cheadaítear fón a bheith ar siúl ag dalta le linn am an Chumann. Ní cheadaítear alcól ná toitíní a ól/chaitheamh ag an gCumann.